Rhacophorus reinwardtii L

Rienwardt sviffroskurinn (Rhacophorus reinwardtii) er fallegur trjáfroskur, upprunninn víða frá SA-Asíu. Hann er grágrænn að ofan með rauðgulan kvið og svört sundfit milli táa. Hann finnst gjarnan við hrísgrjónakra og í mýrlendi. Þetta er nokkuð auðveldur byrjendafroskur sem þarf hátt búr með góðum klifurgreinum, aðgang að vatni (helst rennandi fossi) og nægt æti. Hann hefur mikla matarlyst og étur mestmegnis skordýr ss. engisprettur, flugur og maðka. Getur fjölgað sér í búrum og hrygnir í froðuhreiðri frekur en í vatnspolli og er það sérkenni þessarar tegundar. Best er að hafa eitt karldýr á mót 3 kvendýrum ef ætlunin er að láta þá tímgast. Gott er að hafa hitamottu undir búrinu og UV-ljós yfir því. Best að hafa lifandi plöntur í búrinu til að klifra í og gott pláss til að stökkva. Botnlag má vera rakur barkarspænir með kolum (lykteyðandi) og sphagnum mosa yfir. Úða þarf búrið reglulega til að viðhalda rakanum. Geta orðið 6 ára gamlir. Karldýrið verður um 6 cm langt en kvendýrið um 9 cm.

Umönnunarleiðbeiningar