Congo African Grey (Donna) – SELD!

Kongó grápáfinn (Psittacus erithacus erithacus) nýtur fádæma vinsælda, enda með afbrigðum klár og klókur. Hann getur náð orðaforða allt að þúsund orðum og lært að tjá langanir og hugsanir. Þetta er frekar hlédrægur fugl að eðlisfari og þarf natni til að hann verði félagslyndur. Nokkuð hljóður og dagfarsprúður. Þarf nóg til að dunda sig við ss. leikföng og nagdót. Rykar nokkuð og þarf góða næringu þ.e. fjölbreytt úrval fræja og pálmahnetur, og auðvitað grænmeti og ávexti. Nánari upplýsingar: http://www.tjorvar.is/html/congo_african_grey.html

Donna er rúmlega 20 ára gamall handmataður kyngreindur CAG, fæddur og uppalinn á Bretlandi. Donna kann ýmsar smá setningar og flautar, en sjaldan þegar verið er að horfa á hana. Hún er einnar persónu fugl og getur verið ákveðin með hvern hún vill tala og leika við. Hún getur bitið ef hún er ekki sátt við viðkomandi. Annars er hún mjög skemmtilegur fugl, uppátækjasöm, lífleg og vill vera þar sem fólkið hennar er. Hún elskar að horfa á sjónvarpið. Donna hefur verið hjá sömu fjölskyldu frá upphafi - fyrst hjá syninum uins hann fluttist til útlanda og síðan hjá foreldrunum síðustu 11 ár. Hún er til sölu vegna veikinda. Henni fylgir stórt búr, tvö ferðabúr, dót og fóður. Er á Harrisons þurrfóðri.

Stærð: 33 cm.
Lífaldur: 50-70 ár.
Verð: 280.000 kr með öllum fylgihlutum.