Cruziohyla calcarifer M

Glæsi trjáfroskurinn (Cruziohyla calcarifer) er sérlega laglegur trjáfroskur úr hitabeltisskógum Mið-Ameríku og norðvesturhluta S-Ameríku. Hann er dökkgrænn með skær rauðgulu tígrismynstri á hlið, appelsínugulan kvið og leggi. Augun eru koparlituð. Karldýrið verður 5-6 cm en kvendýrið 6,5-8 cm langt. Ungviðið er brúnna en fær þessa sterku liti með aldrinum. Heldur sér eingöngu í trjágróðri og leggst oft saman til að fela sig þar milli mála. Veiðir sér til matar þegar fer að dimma á kvöldin og nærist á hefðbundnum froskamat þ.e. engisprettum, bjöllum, möðkum, mölflugum. Froskurinn vill vera í röku umhverfi (60-70% raki) með aðgang að hreinu vatni. Botnlag má vera mold, gróf en slétt möl, börkur eða mosi. Vill hafa felustaði ss. steina eða viðarbúta og trjágreinar (plastplöntur) til að klifra í. Búrið þarf að vera vel lokað og loftræst.

Umönnunarleiðbeiningar/fróðleikur.