Scarlet-fronted Conure (Kiata) – SELD!

Rauðbrýndi haukpáfinn (Aratinga wagleri frontata) nýtur vinsælda fyrir góða lund og litfegurð. Hann er næst stærstur í sinni ætt og greindur mjög. Hann hefur þokkalega talgetu og mjög auðvelt er að kenna honum kúnstir. Þetta er húsbóndahollur fugl sem hefur mikla leikþörf og þarf mikið kel. Nokkuð hljóður en getur gefið frá sér hávær köll ef honum leiðist. Þarf nóg til að dunda sig við ss. leikföng og nagdót. Rykar lítið og þarf góða næringu þ.e. gott úrval fræja, eggjafóður og auðvitað grænmeti og ávexti, ásamt vítamínum. Nánari upplýsingar: http://www.tjorvar.is/html/scarlet-fronted_conure.html

Hún Kiata er 6ra ára gamall taminn rauðbrýndur haukpáfi, flutt inn frá Bretlandi. Hún er gæf og góð en finnst skemmtilegast að vera í búri eða á flugi um íbúðina. Hefur annars gaman af að dúllast og láta klóra sér þ.e. sem hún treystir. Henni fylgir lítið notað búr og leikföng. Muldrar mikið allan daginn og getur heyrst nokkuð í henni fái hún ekki athygli.
Lífaldur: 30-40 ár.
Verð: 50.000 kr ásamt búri - SELD!